അറിയില്ലിനിയെങ്ങോട്ട് , അറിയില്ല 

അറുത്തുമുറിച്ച ബന്ധത്തിന്‍ തിരുശേഷിപ്പുമായി 

തുഴയില്ലാത്ത തോണിയില്‍ 

കുതിപ്പും കിതപ്പും ഇല്ലാതെ നിലയില്ലാ കയത്തില്‍ 

ഒഴുകി നീങ്ങുന്നു എങ്ങോട്ടെന്നില്ലാതെ 

ചിലര്‍ പറയുന്നു ജീവിത നാശമെന്ന് , അറിയില്ലി -

തെങ്ങനെ ജീവിത നാശമാകും

മുറിവിന്‍റെ നീറ്റല്‍ ആളിപ്പടരുമ്പോഴും

അദൃശ്യ സുഖത്തിന്റെ നെയ്യാമ്പലായി

മാറുന്നു വേദനയുടെ മുരിക്കിന്‍ പൂക്കള്‍

ഹ ! ആപേക്ഷിക ദ്വന്ദങ്ങളില്‍ പെട്ടുഴലുന്ന മനസിനി -

ത്തിരി വെട്ടമേകാനാവാതെ മായുന്നു ചന്ദ്ര ബിംബം

കരിമ്പടം പുതച്ചു കാഴ്ച മറക്കുന്ന രാത്രി

ഇഴയുന്നു ആത്മപീഢയാല്‍ സ്വയം തീര്‍ത്ത വാരിക്കുഴിയിലേയ്ക്ക്